அத்தியாயம் - 4 “ஆசையே” அனைத்து துன்பத்திற்கும் மூலம்

தமிழாசிரியர் : இரண்டாவது பாடலை இனி காண்போம்

எழில்: சரி.

அறியாள் : இரண்டாவது பாடலில் என்ன உளவியல் செய்தி உள்ளது ?

தமிழாசிரியர் : ஒரு கோட்பாட்டினை அணுகும் முன்னர், அந்தக்  கோட்பாட்டுடன் தொடர்புடைய அனைத்து சிந்தனைகளையும் நீதத்துடன் ஆராய வேண்டும்.

நாம் ஏற்கும் சித்தாந்தம் பற்றி மட்டும் விளக்கி மற்றவற்றை அர்த்தமற்றவை போன்று அணுகக்  கூடாது. 

மருத்துவர்: ஆம், சித்தாந்தங்களை ஆராய்வதில் காழ்ப்புணர்வு கூடாது. நிச்சயமாக இதுவே மிகவும் முதிர்ந்த நிலையில் உள்ள சிந்தனையாகும்.

தமிழாசிரியர் : மக்கள் கடவுள் கொள்கையில் காண விழையும் பல கேள்விகளை அடுக்குகிறார் வல்லாளார்.

மருத்துவர்: மக்களுடைய எதார்த்த சிந்தனைகளை உள்வாங்கி அவற்றை அடுக்கி, மக்களை உணர்ந்து தனது பாடலை எழுதியுள்ளதை நிரூபிக்கிறார் வள்ளலார்.


அறியாள் :  அவர் அப்படி அடுக்கிய  கேள்விகள் என்ன ?


தமிழாசிரியர் :  பரமேது ? வினைசெயும் பயனேது ? பதியேது ?  பசுவேது ? பாச மேது ? பத்தியேது ? அடைகின்ற முத்தியேது ? அருளேது ? பாவ புண்ணியங்க ளேது ? வரமேது ? தவமேது ? விரதமேது 

இப்படியாக பல கேள்விகளை அடுக்கி வைக்கிறார் வள்ளலார்.

அறியாள் : சமய நெறிகள் பற்றி மேலும் என்ன கூறுகிறார்?

மருத்துவர்: மன்னிக்கவும், இது வெறும் அறிவியல் பார்வை மட்டுமே. 

சமய பார்வைக்கு ஆயிரமாயிரம் சிறப்புமிகு நூல்கள் உள்ளன, அவற்றை படித்து தெளிவு பெறவும்.  

மலர்: “கயவரைக் கூடா தருள்” என்று கூறுவதன் பொருள் என்ன ?

தமிழாசிரியர் : சில மக்களை நமக்கு அடையாளம் காட்டுகிறார், அவர்களிடம் இருந்து நம்மை இறைவன் காப்பானாக என்று பிரார்த்தனை செய்தவாறு இரண்டாவது பாடலை முடிக்கிறார்.

அறியாள் : அப்படி என்ன குற்றம் செய்தார்கள் அவர்கள் ?

தமிழாசிரியர் : 
மனம் ஆசைப்படுகின்ற உணவை உண்டு
நல்ல ஆடைகளை உடுத்தி
இளம் பெண்களை விரும்பி அடைந்து
மணம் வீசும் பூக்களைச் சூடி
சிற்றின்பத்தை பெரிதாக ஏற்று
அதுவே  கண்கண்ட சுகம் என்று நம்பி வாழும் மக்களை கீழ்மக்கள் என்று கூறுகிறார் வள்ளலார்.

அறியாள் : மனம்போல வாழ்வது தவறா ? 
நீங்கள் சொல்வது தனி மனித உரிமை மீறல் என்று நாங்கள் திரும்பி சொன்னால் என்ன செய்வீர்கள் ? 
அமெரிக்கர்களும், ஐரோப்பியர்களும் இந்த சிந்தனையை வித்தியாசமாக பார்ப்பார்களே ?

தமிழாசிரியர் : அப்படி பார்த்து, பார்த்துதானே  கேடுகெட்ட சமூகமாக பல சமூகங்கள் இன்று மருவியுள்ளன........

அவர்களே இன்று இந்திய சிந்தனைகளை தேடி வருவதை நம்மால் காணமுடிகிறது.......... 

இன்னும்  நிறைய மாறும்.


மருத்துவர்: மற்ற உயிர்களை துன்புறுத்த எந்த உயிருக்கும் உரிமை இல்லை.

“ஆசையே” அனைத்து துன்பத்திற்கும் மூலம் என்று புத்தர் கூறிய செய்தியின் சாயல் இந்த பாடாளில் உள்ளது.

அவரும் (புத்தர்),இவரும் (வள்ளலார்) கூறியும் எவரும் (பொதுவாக மக்கள்) கேட்காது அழிவதும் ஏனோ ?